1)Ҡупшыуланып гөрләп сәскә ата,
Һин ултыртҡан һомғол алмағас.
Алмағасты ҡосаҡларҙай булып,
Йөрәгемдә һайрай һандуғас.

Ҡушымта; (2 раза)
Айрылышыу һағыштарын йотоп,
Һине һуштан яҙып һағынғас,
"Уфтанма"-тип,наҙлап йыуатҡандай,
Йөрәгемдә һайрай һандуғас.

2)Хозурланып танғы офоғтарҙа,
Һин яратҡан йондоҙ ҡабынғас,
Йондоҙ нурҙарына талпынғандай
Йөрәгемдә һайрай һандуғас.