Па саду, саду, рыцар каня водзіць,
Каня водзіць ды з канём гаворыць:
“Коню, коню, прадаю я цябе
за малу цану на мёд на гарэлку.

 Пане, пане, не прадай жа мяне.
Не прадай мяне, успомні сам для сябе,
Як ваявалі, у турка забіралі,
У турка забралі турэцкую землю.

 Пане, пане, успомні сам для сябе,
Як выязджалі з маскоўскай зямелькі,
Як выязджалі з валкі крывавай, 
Як сустракалі рыцара ў славе.
Па саду, саду, рыцар каня водзіць,
Каня водзіць ды з канём гаворыць...