Зизу иорэд 

Джанхъотмэ якъэлэпчъэшхом 
Шыухэр къыдэзэрэхи, 
Джанхъотмэ я Зизу дахэ гущэри 
КойхэмкIэ ращэхыжьыгъи. 

Джэзэуи шъуисомэрышхом 
Пахъэри къыдэзэрехы. 
Джанхъотмэ я Зизу дахэ гущэхэр 
Гъобэкъуаемэ ялъэгу кIэтыни. 

Сятэуи Махьмудыжъи нэшъу гущэри, 
Е-о-ой, зэрэ тутын пашъуи, 
ЛIы нэшъоу сызарэтыгъэ гущэми, 
Е-о-ой, сыфэмыяхи. 

Сянэуи Джэндармэ япхъушхо, 
Хьакубэщыр къыстыреуплIэ. 
Сыгум гущэр ишъумыхыщтми 
Мы лIы нэшъум сыфэмыяхи. 

Адэ гущэ Хьаджэ Исэмэлыр, 
Е-о-ой, зэрэ сыхьатыпцIи. 
ГъэпцIагъэкIэ узэратыгъэ гущэми, 
Е-о-ой, уфэмыяхи. 

Дышъэуи сипапыщытIу гущэхэр, 
Гъогу ныкъом къыщысэлажьэ. 
Ны къылъфыгъэм къысишIэгъэ лажьэ гущэри 
БзылъфыгъэмкIэ зэдытиешъхьакIуи. 

Дышъэуи сипапыщытIур 
Гъогу ныкъом къыщысэгъанэ. 
ГухэкIэуи сэ къыщысынагъэ гущэри, 
БзылъфыгъэмкIэ зэдытиешъхьакIуи. 

Джанхъотмэ якъэлэпчъэшхом 
Шыухэр къыдызэрэхи. 
Джанхъотмэ я Зизу дахэр 
Койхэмкlэ ращэхыжьыгъи.