Көшкенде жылқы айдаймын аламенен,
Аулыңа барушы едім даламенен.
Түскенде сен есіме, беу қарағым,
Сағынып сарғаямын санаменен.

Екі жирен, жалын түйген,
Жалғанда ғашығымсың жаным сүйген.

Ғизатлу хат жазамын, қалқам, саған,
Самарқау осы күнде көңілім шабан.
Мұғаллақ екі дүние бірінде жоқ,
Дариға осыменен өтті заман.

Екі жирен, жалын түйген,
Жалғанда ғашығымсың жаным сүйген.