Ұмтыламын саған

Қанат бітірдің маған, ұшырып аспанға,
Жүректің ылтипаты, сезімімнен жасқанба.
Көзіңнен жас тамса, қуаныш есебімен,
Өзіңмен бірге болып өмірімді сүремін мен.

Қайырмасы: (x2)
Қарай беремін сенің сағымдай бейнеңе,
Неліктен жатырқайсың, алыстайсың сен, неге?
Бол менімен бірге, қуаныш сыйла маған,
Тұла бойымның әр бөлігі ұмтылады саған.

Шылым тартпайды, алкоголь ішпейді,
Көп жігіттер оны арманға теңейді.
Бұндай ару кездестіру қазір – бір елес,
Оны сипатап беруге сөздігім жетпес.
Тең емес ешқандай шет елдік жұлдыз,
Бұл бір ерекше жаратылыс, ерекше құндыз.
Жоғалған өмір мәнін тауып берген,
Маған күлкі сыйлап, жүрекке жылу берген.
Тоқшылық көрген отбасы еркесі болса да,
Артық қылығы жоқ, сенесің бе, шынында да.
Бұл ойдағы қиял емес, бұл өңімде,
Оны сүймеу мүмкін емес, түсінесің бе?
Ернінің түсі мен дәмі құлпынай секілді,
Тапқан секілдімін өмір бойы іздегенімді.
Қымбат тастар, иіссу, автокөліктер,
Оған қызық емес, қызық жүректегі сезімдер.

Қайырмасы: (x2)
Қарай беремін сенің сағымдай бейнеңе,
Неліктен жатырқайсың, алыстайсың сен, неге?
Бол менімен бірге, қуаныш сыйла маған,
Тұла бойымның әр бөлігі ұмтылады саған.