Сөйгән ярлар булсын гомерлек, 
Хисләреңә тәңгәл килерлек. 
Көткән бәхет, сөю-мәхәббәт, 
Көннәреңә шатлык бирерлек. 

КУШЫМТА: 
Сөйгән ярлар белән калыгыз, 
Гомер буе парлап барыгыз. 
Ачык булып, якты булып торган, 
Киләчәккә юллар салыгыз. 

Кадерледән булып кадерле, 
Яшик әле, шушы тормышта. 
Бер уй белән бергә яшәсәк, 
Килер шатлык, килер уңыш та. 

Гомер-мизгел, аккан су кебек, 
Сынау арты килә сынаулар. 
Бушка гомер узмасын ла, дигән, 
Кабул булсын безнең юраулар.