Ябынгансың сары шәлең,
Моңсу узды мәллә җәең?
Боеккансың, саргайгансың
Синең дә бит авыр хәлең.
Кушымта:
Сары каен, каенкаем
Бармы әллә кайгыкаең?
Бергә-бергә эзлик әле
Хәсрәтләрдән чыгу барын.
Син озаттың ямьле җәйне,
Мин югалттым сөйгәнемне.
Синең тагын җәең килер
Тик сөйгәнем кайтмас минем.
Кушымта.
Бигрәк матур ак күлмәгең
Бөркән кабат яшел шәлең
Күтәрелсен күңелләрең,
Җиңеләйсен моңсу хәлең.
Кушымта.