Серле төндә таңды көтәм,
Таң ағылғас көнгә үтәм.
Көҙөн ҡышҡа ашҡынамын,
Ҡыш күңелдә яҙ иртән.

Көтәм-көтәм, көтәм-көтәм,
Яҙын, ҡышын, йәйен, көҙөн.
Көтәм-көтәм, көтәм-көтәм,
Һине генә өҙөлөп, өҙөлөп көтәм.

Ҡайғыларым һирәк килмәй,
Һағыштарҙан йонсоп бөтәм.
Ҡарҙар ярған сәскә кеүек
Шатлыҡ балҡыр тиеп көтәм.

Көтәм-көтәм, көтәм-көтәм,
Яҙын, ҡышын, йәйен, көҙөн.
Көтәм-көтәм, көтәм-көтәм,
Һине генә өҙөлөп, өҙөлөп көтәм.

Ғүмер буйы ниҙәр эҙләп
Кемделер мин көтәм-көтәм.
Нисек кенә йәшәр инем
Был яҙмыштар булһа бүтән.

Көтәм-көтәм, көтәм-көтәм,
Яҙын, ҡышын, йәйен, көҙөн.
Көтәм-көтәм, көтәм-көтәм,
Һине генә өҙөлөп, өҙөлөп көтәм.