Սիրահարված, կորցրել եմ,
Իմ հյուսիսն ու հարավը,
Ուր էլ գնաս, էլի կուգամ,
Յար ջան ձեր տան թարաֆը։

Մամ ջան, մամ ջան,
Թոռիդ ղուրբան, ըսե ուրե Սոնիգը,
Մարդի չտաս, թե չէ դարդեն,
Խելըռիգը Օնիգը։

Պատուհանեն, տագին կանգնած,
Պլպլագը շուշեքը,
Ինչիս է պետք, օր հետևե
Պառավ մամըդ աշեգը։

Գնա կորի, այ անամոթ,
Իմ աղջիկը քուգդ չէ,
Ում էլ օր տամ, լավ իմացիր,
Քեզ քոռ թիքա չի հասնի:

Ուստա Օնես, ֆայտոնդ բեր,
Էրթանք հասնինք մինչև Ղարս,
Խռովել եմ, ես ես քաղքեն,
Ղարսեն պըդի բերեմ հարս: