Қарашы қазақ еліме,

Қарашы қазақ жеріме,

Кең өлке - Сарыарқасы,

Береке, дән алқасы.

Мереке, ән алқасы.
 

Арайлы, алтын таңдары,

Жайдары жарқын жандары.

Азғарлы арманы бар,

Аспанды таулары бар,

Бақшалы баулары бар.
 

Қайырмасы:

Иә, солай! Иә, солай!

Қазақ жері осындай!

Иә, солай! Иә, солай!

Қазақ елі осындай!
 

2.  Алатау, Алтай арасы,

Еділ мен Ертіс саласы,

Үстірт пен терістігі,

Көрінбес кемістігі.

Қиырсыз кеңістігі.
 

Даламдай дархан пейілді,

Анамдай артқан мейірі,

Біртұтас халқымыз бар,

Мызғымас қалпымыз бар.

Әлемге даңқымыз бар!
 

Қайырмасы.
 

3.  Көгінде күлген ай, күні

Шалқыған шалқар тау-қыры

Сарқылмас кеніміз бар,

Айтулы көліміз бар,

Айбынды еліміз бар!
 

Қайырмасы.