«Чыпчык күзе» - гади күзе, 
Кечкенә зәңгәр чәчкә.
Алып килдең, бүләк иттең, 
Кададың минем чәчкә. 

КУШЫМТА: 
Сыйпап сөйдең чәчләремнән, 
Кыр чәчкәләре бирдең. 
Чәчкәң белән йөрәгемә 
Син узең килеп кердең. 

Мәхәббәткә әверелде,
Кечкенә зәңгәр чәчкә 
Шул көннән соң гомерлеккә 
Бәйләнде чәчләр чәчкә 

Кем ярата гөлчәчәкне, 
Мин сөям «чыпчык күзе»н. 
Күрер күзгә гади, әмма, 
Күреп туялмыйм үзен.