Ак каеннар арасына, 
Ак каеннар янына,
Кереп киттең син йөгереп,
Әй, кагына- кагына.

Сылу сының, ак күлмәге,
Син аклыкка күмелдең.
Күзләремә син үзең дә
Каен булып күрендең.

Кайсы каенда, кайсы син,
Аералмый тик торам.
Ялгыз каенны кочканмын
Мин аны син дип торам.

Каеннар белән шаярып,
Озаклап уйнадыгыз.
Ахрысы, мине бөтенләй
Күрми дип уйладыгыз.

Сылу сының, ак күлмәге,
Син аклыкка күмелдең.
Күзләремә син үзең дә
Каен булып күрендең.

Кайсы каенда, кайсы син,
Аералмый тик торам.
Ялгыз каенны кочканмын
Мин аны син дип торам.