1. Мөнир килгән биергә,
Зыңгылдатып биергә.
Кая гармунчылары?!
Тартыйк бию көенә.

Әйттерәдер түгелме,
Типтерәдер түгелме.
Әйтелгән дә, типтергән дә
Безнең Мөнир түгелме.

2. Сары читек, сары читек
Каян гына тапканнар?
Ике йөзек, хуш беләзек
Ландышкайга такканнар.

Бас, бас, бас, әйдә каты бас
Биюеңне күрсеннәр
Биюеңне күрсеннәр дә,
Безнең Ландыш дисеннәр.

3. Бие, дустым, бие әле
Бие әле, көл әле
Боек булган күңелләрне
Барсын ачып бир әле.

Бас, бас, бас, әйдә каты бас
Идәне сынмас әле
Сынса, ясарлар әле дә
Такта кагарлар әле.