Месяц яскравы за хмары схаваўся
Шляху ня бачна ўначы.
Ў цёмнай дуброве мужык нападпітку
Голасам дзікім крычыць.
Кінула жонка, ў карчме накідаўся
Півам ды хлебным віном.
Поты ня ведае як апынуўся 
Ў лесе пад старым карчом.

"Гэта мая баба
Падкупіла карчмара.
Ён падсыпаў мне атруты 
Ў келіх хлебнага віна.
Я адпомшчу гэным курвам,
Я парву іх як дуду.
Бачыць бог, дамоў дарогу
Ў гэтай цемры я знайду.

Вецер у елках спрытна гуляе,
Неба заплакала моцным дажджом.
Быццам надвор'е злы жарт разыграла
З п'яным дурным мужыком.
Шлях праз гушчары лясныя нялёгкі -
Цемра ды багна вакол.
"Дзе ты бадзяешся, дзе заблукаў ты,
Мой абаронца анёл?"