36.Бәхет
Физалия Давлетгареева сүзләре
Рәзидә Әхмәтова көе
1.Әнкәй диеп әйтер кешең булу,
Нинди олы бәхет икән ул.
Яннарыңа кайтыр кеше булу,
Нинди олы бәхет икән ул.
Кушымта:
“Балакаем” – диеп каршы алган,
Әнкәң булу бәхет икән ул.
Дога юллап арттан карап калган.
Әнкәң булу бәхет икән ул.
2.Җыерчыклы куллар белән кочкан, 
Әнкәң булу бәхет икән ул.
Яхшылыкка гына өндәп кушкан
Әнкәң булу бәхет икән ул.
3.Сине ихлас сөйгән йөрәк булу,
Чиксез олы бәхет икән ул.
Әнкәй йөзле изге терәк булу
Чиксез олы бәхет икән ул.