Күзләремә ул карый,
Килеп хәлемне сорый.
Яратмыйм бит мин аны,
Ник ул шуны аңламый?
Күземнән яшьләр тама,
Йөрәгем уттай яна.
Тилмерәм, уйлыйм, көтәм -
Мин бит башканы сөям.

Кушымта:
Әллә язмыш көләме?
Әллә гаеп миндәме?
Сөйгәнем миннән читтә,
Сөймәгән мине көтә.

Кара ялкынлы күзләрне
Эзлим мин бар җирдән дә,
Зәңгәр караш моңсу гына
Һәрчак миңа төбәлгән.
Хәсрәт тулы сөюемнән
Йөрәк тилегә әйләнгән,
Яратмыйча яратулар
Бигрәк лә авыр икән.

Кушымта.