Өмір заңы солай.
                                                            Сөзі: А.Қылыш-Бек
                                                             Әні: Ж.Серікбек
1. Еркем бекер батпай мұңға, жүрегіңді тыңда,
Жасырын жатқан сыр бар-ау.
Көркем жанды бөлер нұрға, бағың алда тұр ма?
Тағдырдың жолы мың тарау.
Ғашық болсаң шын бақытыңа жетпей 
Жеңілме де, шегінбе де

Қайырмасы:
Өмір заңы, өмір заңы солай
Сынағы бар тағдырыңа орай.
Өмір заңы, өмір заңы солай
Шын бақытқа жету емес оңай.

2. Арыл жабырқаулы күйден, көңіл көтер бимен,
Бал қылығыңмен баурап ал.
Жанды өзіңді шын сүйген, бағалауды үйрен
Бақытың сенің сол болар
Ғашық болсаң шын бақытыңа жетпей 
Жеңілме де, шегінбе де

Қайырмасы:

Рэп: Түн көз ілмесең,
Бөленіп сезімге сен.
Жанды шаттандырса,
Журекке от жандырса.
Сезім бағына келсең
Мөлдір мұң тағына жүрсең
Сүйіп, сағына білсең
Шын махаббат сол!