Жанар Дугалова – Махаббат назы

Арман қып асыл тілекті
Махаббат отын жандырдың.
Сондағы сүйген жүректі
Қай жерде бүгін қалдырдың?

Қырдағы гүлдей түрге еніп,
Жүруші ек ешбір алаңсыз.
Түсіңе жиі жүр ме еніп
Қоштасқан кездер амалсыз?

Құштарлық сезім биіктей
Күтумен болып жыл-құсын.
Жаралы болған киіктей
Жете алмай әлде жүрмісің?

Қырдағы гүлдей түрге еніп,
Жүруші ек ешбір алаңсыз.
Түсіңе жиі жүр ме еніп
Қоштасқан кездер амалсыз? [x3]

Қоштасқан кездер..
Қоштасқан кездер амалсыз..