Балан җыя әнкәй җырлый җырлый
Чәчкәйләрен җилләр тарата
Әллә инде әнкәй бу мизгелне
Барысыннанда ныграк ярата

Нигә генә үзең теләгенчә
Язып булмый икән язмышны
Балдай татлыларны язар идем
Алмас идем әрнү ялгышны

Гүя әнкәй тәлгәшләрне түгел
Ялгышларын җыя өзелеп
Һәр тәлгәшне өзгән саен аңын,
Йөрәккәе куя өзелеп

Нигә генә үзең теләгенчә
Язып булмый икән язмышны
Балдай татлыларны язар идем
Алмас идем әрнү ялгышны

Учларымда күпме әче балан
Язмышларын кебек әчелә
Шул баланнан белән бер сөйләшсәм
Күңелләрем никтер очыла

Балан җыя әнкәй җырлый җырлый
Бите буйлап ага күз яше
Юк әнием бу күз яше түгел
Әче татлы балан тәлгәше

Нигә генә үзең теләгенчә
Язып булмый икән язмышны
Балдай татлыларны язар идем
Алмас идем әрнү ялгышны