Старшыня

У нашым калгасе ўсё чыста, ня брудна,
Вядзе старшыня нас рукою магутнай.
Ён можа зьнянацку ўваліць трактарысту,
Калі трактарыст вып’е зь сябрам па трыста.

У нашым калгасе ўсё супэр па лічбах,
А людзі чакаюць: калі ўжо? Калі ўжо?
Калі старшыня наш паедзе адгэтуль,
А лепш – паляціць на чужую плянэту.

Рэфрэн:
Я сню й ты прысьні,
Што няма больш старшыні,
І ўсім радасна наўкола -
І карове, і сьвіньні. 
Шмат гадоў мару я,
Што зьнікае старшыня,
І ўсе весела сьмяюцца –
І карова, і сьвіньня.

У нашым калгасе парадак і ціша,
Ды шэпчуцца людзі: Калі ўжо? Калі ўжо?
Калі забярэ яго нейкая трасца
І ў рэшце спакойна пажыць нам удасца
Сядзяць у камбайнах сваіх камбайнёры,
І справы ідуць, відавочна, угору.
І мроіцца ўсім, што нарэшце зьнікае
Рука, што ўсіх нас за горла трымае