Нишләп сине күрмәгәнмен-
Ераклардын эзләдем.
Син булгансың икән, бәгърем,
Зәңгәр гөлнең күзләре.

Бер күзендә тамчы күргәч,
Кызгандым да өзмәдем.
Чык тамчысы син булгансың-
Белмәдем шул, белмәдем.

Бөдрә талларга таянып,
Серләремне сөйләдем.
Талда сайрар кош булгансың-
Ишетмәдем көйләрең.
Нишләп сине күрмәгәнмен-
Ераклардан эзләдем.
Гел янымда булгансың бит,
Минем алтын бөртегем.