муз. Абедина Байчекуева, 
сл. Иссы Боташева

Сени къара чачынг табанынга джете
Кёзлеринг кёзюр ойнайла
Узун кирпиклеринг кёзлеринги джаба, 
Джарыкълыгъынгы джашыргъалла.

Сенден ариу болмаз, ой джерни юсюнде
Ариулугъунг ай бла эрише. 
Сюймеклик къапханнга тюшгенме мен, ариуум
Къыйналмам чыгъаргъа кюреше. 

Терк-терк кёралмасам мен, саннга тансыкъдан 
Джюрегим отда кюеди.
Башым къой десе да унамайд джюрегим
Сени джюрегим бла сюйгене.

Бир къарасанга сен мени кёзюме 
Нечик бек ушайса сен айгъа.
Бармаз джериме да барама мен, ариуум
Тепсей билмей, сен баргъан тойгъа. 

Сен абезекни ариу тепсейсе 
Ариу чабакъ кёлде джюзгенча 
Сен ариучукъну чексиз бек сюеме 
Дахир Зухураны сюйгенча.