Түүлбэр эйиигин көрдүүбүн
Көрүүй илиибин далбаатыыр
Буурҕа тулабын бүөлээтэ
Тохтуур эрэ миигин албыннаата
Аймаама хараҥа миигин
Сырдык мин диэки тыгыаҕа
Күн буолан ый буолан син биир
Хайдах эмит гынан тахсыаҕым
Хабыр халлаан да сордоотун
Саҥа күҥҥэ уһуктуоҕум
Сулус сыдьаайыаҕар диэри 
Эйигин күүтэн туруоҕум
Түүл буоллун ил буоллун
Билэбит сыһыаммыт өлбөт тустааҕын
Мин курдук итэҕэйэр уол
Халлааҥҥа биир сулустааҕын
Чүмэчи уота сырдаата
Тоҥмут илиигин ириэрий
Эйиигин кууһар сылааһым
Суорҕан буолан бүрүйүөҕэ
Көрүүй халлааны күнчээним
Сулус биһини көрөрүн
Ыйдаҥа саһархай уота 
Тапталбытын күүһүрдэрин
Бу мүнүүтэ бу сөкүүндэ 
Тапталбар билиниэҕим
Ыллыаҕым суруйбут ырыабын
Үүнэр түүҥҥэ аныаҕым
Ийэ сир үрдүгэр 
Эйиигин эрэ сэргиибин
Эйигиннээх буоламмын
Тоҕо эрэ таҥараҕа киһиргиибин!

Таптал сулуһа сырдыаҕа тыган оонньуоҕа
Эйиигин саныырбар сыдьаайан көмөлөһүөҕэ,
Төһө да тэйдэрбит сүрэхпит тэҥҥэ тэбиэҕэ
Хас биир ахтыыбыт сылаас күн буолан киириэҕэ...

Туох эрэ буоллум санаабар
Тымныы салгын иһиллээтэ
Харахпын симэн олордум
Былыт күүскэ да баттаата
Тулам барыта сүрдээх
Халлаан ытыыра дьиктитэ
Тоҕо күн диэки көтөрүй
Ыраас хонуу сибэккитэ
Уурбаппын улахаҥҥа
Хас түүл баттаан албынныыры
Мин бэркэ итэҕэйэн турабын
Күммүт күүскэ таптыырын
Арахсыы игин суох
Таптал сулуспут тыгыаҕа
Тапталга итэҕэйбэт дьону
Туора киэр кыйдыаҕа
Дьылҕабар махтанабын
Миэхэ үтүөнү аныырын
Сөбүлүүбүн даҕаны
Сулус биһини маныырын
Хабыр халлаан да сордоотун
Саҥа күҥҥэ уһуктуоҕум
Сулус сыдьаайыаҕар диэри 
Эйигин күүтэн туруоҕум
Күүстээх эрэл санаалаах
Тапталлаах уол оҕо
Эмискэ сүрэҕэ ыалдьан 
Соһуччу өллөҕө
Уолчаан түүл дии саныыр
Кыыһа аттыгар ытыыр
Кинилэрэ эрэ тапталларын 
Сулус харыстыыр!

Таптал сулуһа сырдыаҕа тыган оонньуоҕа
Эйиигин саныырбар сыдьаайан көмөлөһүөҕэ,
Төһө да тэйдэрбит сүрэхпит тэҥҥэ тэбиэҕэ
Хас биир ахтыыбыт сылаас күн буолан киириэҕэ...