Ялгыш кына юллар кисештеләр, 
Ялгыш кына караш ташладың.
Тормышымның уты сүнгән иде,
Сине күргәч, яши башладым.

Тыелганнар сөеп туя алмый,
Син дә минем ярты йөрәгем.
Гөнахлылар диеп тиргәмәгез,
Гөнах сөю - язмыш бүләге.

Мизгел бәхет изге сөю өчен
Дөрләп янган утка ташланды.
Тормышымның уты сүнгән иде,
Сине күргәч, яши башлады.

Язмышларны әйдә икәү языйк,
Ярлыкаучы булсын мәхәббәт.
Сине сөю минем өчен газап,
Газапларың өчен мең рәхмәт.