Бу күн сирин көрдөрбүт, мин күндү ийэм
Махталым муҥура суох, ону билэҕин бэйэн,
Ама киниттэн ордук миигин өйдүүр киһи 
Бу сиргэ баар дуо? билбэппин саарбах ини,
Уола хайдах эрэ сылдьар диэн долгуйара
Уһун хараҥа түүннэргэ санаан утуйбакка,
Бырастыы гын миигин хомоппут түгэннэрбин
Соруйан буолбатах этэ барытын билинэбин,
Санаам түһэр күнүгэр өйүүр өйдүүр кини
Үөрэ-көтөр күннэрбэр икки төгүл үөрэр кини,
Санаам саҕахха састаҕына үллэстэр киһим кини
Ийэкээм эн дьолу бэлэхтээбиккин ди,
Доҕоттор хомотуман ийэлэргитин
Харыстыы сылдьын махтал тылларын этин,
Кини баар хаһан да таҥнарбат доҕоруҥ
Өрүү эйиэхэ эрэниэ өйдөө ити эн дьолуҥ!

Бу күн сирин көрбүппэр ийэбэр махтал
Мин сүрэхпэр өрүү баар киниэхэ таптал,
Эн мичээриҥ миэхэ дьолу аҕалар
Эйиэхэ тиэрдэбин бу тыллары анаан...

Билигин эйигиттэн ыраах тэйиччи баарбын
Ийэкээм долгуйума миэхэ барыта кэминэн,
Олох устар суолунан бэйэтин хардыытынан
Хомотуом суоҕа сөп суолу талан ылыам,
Эн сүбэҥ миэхэ көмө буолар өрүүтүн
Мунар тэнэр кэммэр төгүтэр олох ойуутун,
Эн баар буолан бу күн сирин көрбүтүм
Эн баар буолан дьиҥ тапталы билбитим,
Кыра эрдэхпиттэн сүрэхпэр сылааһы иҥэрэн
Төрөппүт истиҥ тапталын диэни билэн,
Бу күҥҥэ диэри олоробун испэр баар сылааһынан
Өссө да салгын устун көтүөм үөһэ кынаттанан,
Бырастыы гын миигин ардыгар кыыһырдааччым
Онтон атын мэлдьи үөрдэ сылдьааччым,
Бу аламай күн анныгар күндүттэн күндү
Ийэм эн буолаҕын бу манан түксү!

Бу күн сирин көрбүппэр ийэбэр махтал
Мин сүрэхпэр өрүү баар киниэхэ таптал,
Эн мичээриҥ миэхэ дьолу аҕалар
Эйиэхэ тиэрдэбин бу тыллары анаан...