Па нашых вуліцах ходзяць камуфляжныя людзі з сабакамі, 
На нашых вуліцах стаяць БТРы, 
На вуліцах чорныя вятры тлумачаць знакамі: 
Лепей не пакідаць межы кватэры. 
Пра гэта маўчаць злыя людзі ў чэргах, 
Ня ведаюць прахожых шчокі няголеныя, 
І гэта страшна, бо трэба выйсьці з шэрагу. 
Беларусь будзе вольнай! 

Нашыя сьцены - нібыта турэмныя. 
У нашай стабільнасьці ёсьць нешта няўмольнае. 
Усе твае высілкі будуць дарэмныя 
У краіне забітых, забытых і задаволеных. 
Дзяржаўныя сродкі масавай дэзынфармацыі 
Пазбавяць цябе пачуцьця болю. 
Яшчэ адзін урод патрабуе кананізацыі, 
Але Беларусь будзе вольнай!

Бацькі перш за ўсё будуць думаць пра сына, 
Будуць сьмяяцца навучаныя жыцьцём людзі, 
Будуць баяцца й верыць хлусьні з тэлескрыні, 
Але Беларусь усё роўна будзе, 
Беларусь будзе вольнай! 

Шукаюць пажарныя, 
Шукае міліцыя 
І эскадроны сьмерці 
Нашай сталіцы 
Нас
Бо мы - апазыцыя!