Аяс Данзырын “ Караты-Хаан” 

Караты-Хаан чараш кадыны 
Кашпал черге ырлай бергензиг,
Хоюг эткен чадаганны олу
Холумда бо ээткен дег, олур мен.

Амырга-Моос ажырып чадаан
Алдын хүнүм, ак-көк дээрим бо,
Ай дег, хүн дег чараш шырайың
Амылыгны каастаап, шып чор.

Кадын-дыр сен, даңгына-дыр сен.
"Карам бол" деп шыдавас-тыр мен.
"Кара баар чок, кайгал оол бе?" деп
Карачалчы бодавайн көр.

"Өскүс оол дег эвес-тир мен" деп
Өске бодал бодавайн чор мен.
Өөрү ушкан чоргаар эзирниң
Өкпе-чүрээ, хөңнү дег, чор мен.