Тутэйшы (чит. Валер Шушкевіч) (исполнитель: Янка Купала)

ТУТЭЙШЫ 

На чужы розум я ня ўмею браць, 
Па-свойму я мяркую аб усім; 
Трапляю дровы сеч, касіць, араць 
І сеяць – штось сабе, а штось другім. 

Я не чыноўнік і ня граф, ня князь, 
Таксама – я ня турак і ня грэк, 
I нават не паляк і не маскаль, 
А проста я тутэйшы чалавек! 

*

Ў сьвятую веру моц, здароў ці квол, 
Набожна ў цэркаў і ў касьцёл хаджу, 
Хаця ў царкве крычаць: ня йдзі ў касьцёл, 
А у касьцёле – не хадзі ў царкву. 

Калі ж каго бы стрэліла спытаць: 
Якой ты веры? ужо ж бы так адсек: 
Тутэйшай веры я, каб не салгаць, 
Бо я і сам тутэйшы чалавек! 

*

Мяне Бог не пакрыўдзіў языком 
(У жонкі ж меле ён, як калаўрот), 
Мне з прадзедаў застаўся ён з жыцьцём, 
Зь ім ведае мяне чужы народ. 

А вось якой я мовай гавару, 
Хоць пры, каб сьцяміць, к знахару па лек... 
Ну што? скажу: тутэйшая яна, 
Як я і сам тутэйшы чалавек! 

*

Ад прадзедаў і Бацькаўшчыну ўзяў – 
Вялікая, багатая яна! – 
Граніц ніхто йшчэ вокам не абняў, 
Як Бог адзін – яна ў мяне адна. 

А як завуць край гэты родны мой – 
Забыўся ўжо праз свой прыгон і зьдзек; 
Мабыць, забраны, ці тутэйшы ён, 
Я ж сын яго – тутэйшы чалавек! 

*

Вось так ня то жыву і не жыву, 
Сваім, што бачу, ня веру вачам, 
Што чую – не бяру у галаву, 
I што я знаю – ўжо ня знаю сам. 

Спаўняючы, што трэба, а што не, 
Сяк-так мой цягнецца на сьвеце век, 
А як памру, то буду спаць, як пан, 
I сьніць, што я тутэйшы чалавек!

1913  Я. Купала
Послушать/Cкачать эту песню
Mp3 320kbps на стороннем сайте

Открытка с текстом :
Удобно отправить или распечатать
Создать открытку
У нас недавно искали песни:
Ramziz  Cross The Line Featuring Ayah Marar NHS194CD Camo  Butterfly Temple Увертюра  Till The Stars Come Out Estello feat Pitbull  Аналбар by Algystaan Semenov Zaebis Замир  Гульшат Гурдова  Кораблик штормовой  Adamant рай 
О чем песня
Янка Купала - Тутэйшы (чит. Валер Шушкевіч)?
2020 © Tekstovoi.Ru Тексты песен