Ааспыт олох аһыытын
Арыт санаан
Арыт түһээн
Айманабын
Айманабын
Сайын ахсын
Дойбум устун
Айанныыбын
Айанныыбын
Баҕар көстүөҥ
Баҕар көрсүөм
Дьол диэннэрин
Дьон этэрин
Баҕар көстүөҥ
Баҕар көрсүөм

Күн саҕахха киириитэ
Сөрүүн түһүүтэ
Алаас сиккиэр сугуна
Арыый аһытар
Арҕаа аартык диэккиттэн
Айан суолунан
Ахсым акка олорон
Киһи иһэрэ

Кырдьа барбыт эр киһи
Кылгас да кэмҥэ
Кырыктыйбыт чанчыга
Кыһан көстөрө
Кини уоттаах хараҕа
Өһөн эрэрэ
Кини эрдээх сүрэҕэ
Тойук туойара

Тойук улам улаатан
Улам күүһүрэн
Эдэр эрдик санаабыт
Эппэр киирбитэ
Ааспыт олох аһыытын
Санаабаттыгыҥ
Ытыы-соҥуу иэйбитин
Мин истибитим

Ким билиэй ханна киһи
Кэлэн ааспытын
Туох билиэй ханна тиийэн
Дьолун булбутун
Илин аартык суолунан
Айан киһитэ
Санньыар тойук аргыстаах
Тахсан барбыта