1. Владычице Пречистая, Царице, Мати Божия:

Святая Дево чистая, руно, росу приявшее:

Небесъ светлейшихъ высшая, самихъ лучей светлейшая:

Девичьихъ ликовъ радосте, безплотныхъ силъ святейшая:

Небесныхъ высей светлая, Всевышняго селение:

Марие приснохвальная, Владычице всепетая:

2. Подательнице кроткая надежды и покрова:

Чертоже приснодевственный, кивоте Бога Слова:

Отроковице тихая, виновнице спасения:

Благоуханный цвете пречистейшаго девства:

О славнейшая серафимъ, и херувимъ честнейшая:

Премирныхъ ликовъ ангельскихъ восторгъ и удивление:

3. Ты предстоиши Сыну у самаго Престола:

Твоей взыскую милости, Родительнице Слова:

О древо жизни вечныя, о Дево, Матерь Славы:

Молю Тя тепле, Чистую, Преосвященный Храме:

Очисти мя, избави мя греховныя пучины:

Вручи мя милосердию Божественнаго Сына:

Радуйся, Невесто Неневестная.