Язмыш җилләренә син ияреп 
Китеп бардың борылып карамый.
Онытылмаслык булып тоелсаң да
Вакыт икән барысын дәвалый.
 
Көзләр җәйләр үтте, үтте синсез генә
Инде кышлар, язлар килерләр
Вакыт дәва икән икән үткәннәргә
Башка ярга тартыла күңелләр..

Язмышларны төзәтергә авыр,
Ә үткәннәр кире кайтмыйлар
Дөнья бит ул мәңге хәрәкәттә:
Сулар да бит кире акмыйлар.

Сагынам дип кабат хәбәр салма,
Син бит башка идең киткәндә.
Мин теләмим кабат очрашуны 
Калсын барсы, калсын үткәндә.