Dilon me tum apni
Betaabiyan leke chal rahe ho
Toh zinda ho tum
Nazar me khwabon ki
Bijliyan leke chal rahe ho
Toh zinda ho tum
Hawa ke jhokon ke jaise
Aazad rehna seekho
Tum ek dariya ke jaise
Lehron me behna seekho
Har ek lamhe se tum milo
Khole apni baahein
Har ek pal ek naya samaa
Dekhein yeh nigaahein
Jo apni aankhon me
Hairaniyan leke chal rahe ho
Toh zinda ho tum
Dilon mein tum apni
Betaabiyan leke chal rahe ho
Toh zinda ho tum