ТАУ КЪУШНУ УЯСЫ
музыка и слова Альберта Узденова

Ата Джуртум къучагъын джаяд, 
Халкъларын ийнакълай. 
Тау къушну да уясы къаяд, 
Уямса, Къарачай!

ПРИПЕВ:
Мен джырлайма, джюрекден келген 
Ауазыма тынгылай. 
Джашна! Джашна, къонакъны сюйген, 
Джомакълы Къарачай!

Тау башлача, мийикди сени 
Адебинг, намысынг. 
Бу таулада туугъаным мени - 
Олду баш насыбым!

ПРИПЕВ:
Мен джырлайма, джюрекден келген 
Ауазыма тынгылай. 
Джашна! Джашна, къонакъны сюйген, 
Джомакълы Къарачай!

Къайда болсам да, терк къайтырма, 
Кюсеб къучагъынгы. 
Ахыр тылпыуум бла да айтырма, 
Къарачай, атынгы!

ПРИПЕВ:
Мен джырлайма, джюрекден келген 
Ауазыма тынгылай. 
Джашна! Джашна, къонакъны сюйген, 
Джомакълы Къарачай!

1980г.