Отверзу уста моя. Киевск. рас (исполнитель: Хор Свято-Алексеевской Иваново-Вознесенской)

Отверзу уста моя, / и наполнятся Духа, / и слово отрыгну Царице Матери, / и явлюся, светло торжествуя, / и воспою, радуяся, Тоя чудеса.
 
Твоя песнословцы, Богородице, / живый и независтный Источниче, / лик себе совокупльшия, духовно утверди, / в Божественней Твоей славе / венцев славы сподоби.

Седяй в славе на престоле Божества / во облаце легце, / прииде Иисус Пребожественный / Нетленною Дланию и спасе зовущия: / слава, Христе, силе Твоей.

Ужасошася всяческая / о Божественней славе Твоей: / Ты бо, Неискусобрачная Дево, / имела еси во утробе над всеми Бога / и родила еси безлетнаго Сына, / всем воспевающим Тя / мир подавающая.

Возопи, прообразуя погребение тридневное, / пророк Иона, в ките моляся: / от тли избави мя, / Иисусе, Царю сил.

Не послужиша твари Богомудрии / паче Создавшаго, / но, огненное прещение мужески поправше, / радовахуся, поюще: / препетый отцев Господь и Бог, благословен еси.

Слыши, Отроковице, Дево чистая, / да речет убо Гавриил / совет Вышняго древний истинный: / буди к приятию готова Божию, / Тобою бо Невместимый с человеки поживе. / Тем и, радуяся, вопию: / благословите, вся дела Господ­ня, Господа.

Яко одушевленному Божию кивоту, / да никакоже коснется рука скверных. / Устне же верных, Богородице, немолчно, / глас Ангела воспевающе, / с радостию да вопиют: /радуйся, Благо­датная, / Господь с Тобою.
Послушать/Cкачать эту песню
Mp3 320kbps на стороннем сайте

Открытка с текстом :
Удобно отправить или распечатать
Создать открытку
У нас недавно искали песни:
Rage Against the Machine People of the Sun  One direction another world  Smart Girls Weezer  Rage Against the Machine Clear The Lane  Rage Against the Machine Kick Out The Jams  Rage Against the Machine Ashes in the Fall  Нужна твоя помощь  Mihan 
О чем песня
Хор Свято-Алексеевской Иваново-Вознесенской - Отверзу уста моя. Киевск. рас?
2020 © Tekstovoi.Ru Тексты песен