Чууакъ эртденде Чолпан джулдузча
Джашнайса тау элим.
Къаядан чыкъгъан къара суучукъча,
Тазад санга кёлюм!

Орайда-райда,Хурзук элим
Орайда-райда,туугъан джерим,
Анамачад санга джюрегим!

Сенсе бешиги эм сабийлиги,
Къарачай халкъынгы.
Ана сютю блады сюймеклиги
Къызынгы,джашынгы.

Орайда-райда,Хурзук элим
Орайда-райда,туугъан джерим,
Анамачад санга джюрегим!

Ныгъышда къартла алгъыш айталла
Джуртума,элиме,
Рахат джашаугъа джырла джырлайла,
Насыбха бёлене.

Орайда-райда,Хурзук элим
Орайда-райда,туугъан джерим,
Анамачад санга джюрегим!

Умар излеген муратла толуб,
Джаш тёлюнг окъуйду.
Бюгюннгю джашчыкъ тамбла джаш болуб,
Джуртуму къоруйду.

Орайда-райда,Хурзук элим
Орайда-райда,туугъан джерим,
Анамачад санга джюрегим!