Каб разьлічана й сур'ёзна паглядзець на гэты сьвет,
Трэба мець цьвярозы розум і спакой у галаве.

Прыпеў:
     Гэта сур'ёзна
     Добра, ды позна.
     Мы – проста дзеці
     Блукаем па сьвеце.
     Сонца нам сьвеціць
     А ў галаве – вецер.

Калі ўласная кар'ера падымаецца ўгару, 
Трэба дзякаваць Карнэгі, Фройду, Шапэнгаўэру. 

Прыпеў.

Будзе ўсё ў цябе ў парадку, будзе добра ўсё з табой,
Будуць грошы, будуць градкі, глеба, гліна, перагной,
Будзе добрая ўлада, будзе нешта на стале,
Аптымальныя расклады, ды чагосьці не стае.

Прыпеў.