Теегм салькм
Манҗин Аркадь

Төрскн таласм һарсн
Теегм салькм ирч
Терзм тусад ишкрсн
Таалмҗта дууһан дуулыч/

Көкрсн теегм тускар 
Ке сәәхн дууһан дуулч
Каңкнсн эрвңгин үнрнь
Күргәд нанд авад ирч

Күүнә өнчрсн цогц
Күрәд арһул саатулч
Тусад  соңсхларн чирәһм
Таалад үмсәд өкәрлч

Селгән салькн, салькн

Уульхлам чееҗм зовлңгм
Үмкәд, ээҗдм күргч
Үзсн, соңссн хамган
Үннднь күргәд келч

Төрскм таласм һарсн
Теегм салькм нисәд ирв
Терзм тусад ишкрсн
Таалмҗта дууһан дуулч

Селгән салькн, салькн

Төрскм таласм һарсн
Теегм салькм ирч
Терзм тусад ишкрсн
Таалмҗта дууһан дуулч