Яшәтәләр мине синең кайнар хисләр,
Әле салкын, әле ялкын да
Янсам, янам синен назлы карашыңнан,
Тик шулай да яшим яныңда.

К-та: Ялкын булдың миңа, ләкин яндырмадың,
Салкын булып мине сынадың.
Мин яраттым сине ничек булсаң шулай
Синең сынауларга сынмадым.

Ялкын гына түгел, салкын булсаң да син,
Янмадым да әле, туңмадым.
Ничек кенә аңлатсаң да хисләреңне
Йөрәк аша сине тыңладым.

Яшәтәләр инде синең белән мине
Утлы салкынлы мөнәсәбәт
Бер-беребездән башка яшәү мөмкин түгел,
Менә шундый безнең мәхәббәт...