Байчу мохо ийдеш т1ома,
Хьоьстуш малхо, беттан сийно,
Кхуьуш зезаг суна гина,
Нохчийчоь, хьан арахь, ломахь.

Гена махкахь лелаш хиларх,
Сан даг чохь хьо даим хилла:
Са гатта делча – хоьжуш г1ийла,
Деладелла – векхна хилча.

Дагах лестарх шийла шело,
Шарал дахлуш доца денош,
Ахь ницкъ лора ларбан тешам,
Нохчийчоь, сан деган безам.

Хан т1екхаьчча – къаста дезаш,
Чакхе декъал еш сай некъан,
Ма ганн лаьаркха и хьан зезаг,
Нохчийчоь, сан сирла седа..