Барады аулым көшіп Қызылжарға
Таң атып, Шолпан туып сызылғанда.
Көзіңнің мөлдірін-ай!
Осы әнге қоңырталып сала берем
Көңілім сені ойлап бұзылғанда,
Көзіңнің мөлдірін-ай!

Құландай жүйрік майда жал-ай, 
Бар ма екен бізде ынтызары-ай,
Ішінде топ қарағай уәделескен
Көзіңнің мөлдірін-ай! (екі рет қайырмасын)

Не қалды қарайғанда, қамыс қалды
Ауылы қалқатайдың алыс қалды
Көзіңнің мөлдірін-ай!
Аулыңа алыс қалған қарай-қарай
Қарайлап қаршығадай мойын талды-ау!
Көзіңнің мөлдірін-ай!

Құландай жүйрік майда жал-ай, 
Бар ма екен бізде ынтызары-ай,
Ішінде топ қарағай уәделескен
Көзіңнің мөлдірін-ай! (екі рет қайырмасын)