Бұрыласың ба оңға, әлде солға
Жүресің бе қисық жолмен, әлде тура жол ма
Мақсатыма жетемін деп анмандайсың ба
Төземін деп мейлі болсын қандай да сынға
Кедей мен бай, сәтті мен сорлы
Қатардың алды немесе соңы
Өз тізгінің өзіңнің қолыңда
Өкінбе тағдырға, түсірме қолды
Қылмыс жасап түсесің бе торға,
Боласың ба маскүнем, әлде нашақорма
Алтын уақытты өткізесің бе босқа
Әлде бірінші сен үшін спорт па 
Өзіңнің қолыңда жата берсең де,
Бағындырам десең жаңа белестер
Не де болса өз қолыңда тізгінің 
Осыны әрқашан сақта сен есте!

Қайырмасы

Өмір таңда қара ма ақ па
Өмір алда қарама артқа
Өз таңдауың өз қолыңда

Құстай самға шарықтап көкке 
Үміт алда биікке өрле
Өз таңдауың өз қолыңда

Тарлан 

Айтшы неде пенде қорқу сыры,
Жауапты сәт келгенінде қол қусырып
Жоғалтқандай қандай да бір кесір есін,
Құр жіберіп жатады өз несібесін.
Ер адамға өзін міндет ез етпеуі,
Жүрмесе болғаны ертең тезек теуіп.
Кенезем кеуіп, құрғап таңдайым,
Айтатын жырымды бұлғақтатпайын.
Жығылдым деп егіліп тек қақсап қалма,
Күрес бітпейді бойда мақсат барда.
Себебі не қастың тасты қарсы атқанда,
Біл, оңай олжа іздейді қарсақтар да.
Алдыңда бір жол, ол жол алға,
Кері жүруден аулақ бол, жоғалма.
Қорқаулардың ғана батылдыққа жоқ әлі,
Тек қана алға, тек қана жоғары.
Не болса да өз қолыңда тізгінің,
Ісі оңға басады ізгінің.
Күздігүн болса да үміт үзді кім?!
Өмір таңдар жастармыз біз бүгін.
Өз-өзіңді қолға алар тап күш,
Сүрінгенің жеңіліс пе? STOP, тишшш...
Ауыр ма, жеңіл ме, серпін қос сенімге,
Келеді біл бір күні көктемің сенің де.