Соңгы поезд (Зөфәр Хәйретдинов көе, Рәмис Аймәт сүзләре)
1.Җанны йолкып алып китте поезд
Миннән алып сине мәңгегә...
Иңнәремнән кинәт кочып алды
Син түгел шул, кара төн генә...
П-в:
Сагыш утына салып, ярты йөрәгем алып,
Поезд китте калдырып.
Соңгы поезд тик ярсый, язмыш җиленә каршы
Калган өметем яндырып.
2. Гафу ит сине мине диергә дә,
Соңга калдым шул мин, соңладым...
Соңгы поезд китте саубуллашмый,
Гаебемне соңлап аңладым...
3. Син идең шул гомер юлларымда
Таянычым, соңгы терәгем.
Җиткермәде поезд сүзләремне
Тимердән шул аның йөрәге.