Просвети очи мои, Христе Боже, да не когда усну в смерть, да не когда речет враг мой: укрепихся на него.

Слава: Заступник души моея буди, Боже, яко посреде хожду сетей многих, избави мя от них, и спаси мя Блаже, яко Человеколюбец.

И ныне, Богородичен: Яко не имамы дерзновения за премногия грехи наша, Ты Иже от Тебе Рождшагося моли, Богородице Дево: много бо может моление Матернее ко благосердию Владыки. Не презри грешных мольбы, Всечистая, яко Милостив есть, и спасти могий, Иже и страдати о нас изволивый.