1.Мин бөөлүүн дьиктини түүһээтим
Хотугу кыраайбар тиийбиппин
Кустугу ат гынан миинэммин
Төрөөбүт дойдубар үктэнним

Мин бүгүн айылҕа уолабын
Аар тайҕа ыччата буолабын
Өбүгэм ыллык суолунан
Ахсымнык айанныыр аттаахпын

2.Мин аҕам иҥэрбит сүрэхпэр
Уот кутаа сыралҕан сылааһын
Хайдахтаах да айантан уолуйбат
Быстыбат эрэллээх эрчими

Мин бүгүн айылҕа уолабын
Аар тайҕа ыччата буолабын
Өбүгэм ыллык суолунан
Ахсымнык айанныыр аттаахпын

3. Эргиччи даркы таас хайыҥнаах
Хайалар айаммын алҕыыллар
Кыракый мэник һээн үрүйэ
Кучулҕан тыаһынан үөрүүбүн көбүтэр

Мин бүгүн айылҕа уолабын
Аар тайҕа ыччата буолабын
Өбүгэм ыллык суолунан
Ахсымнык айанныыр аттаахпын