Лезгуар да тарында да 
Акъ туманла къайнайла,
Ой, алай да, ой, къайнайла.
Аланы да ичинде чыгыр да башлы
Бу къара къушла ойнайла, ой-ой-ой.
Ол да чыгыр башлы,
Бу къара къушла болмазла, 
Ой, алай да, ой, болмазла.
Эски болгъу эд Къайтукъ а улун 
Сары-Асланбекни жыйыны, ой-ой-ой.
Къайтукъ улу уа 
Таугъа сора кирликди,
Ой, алай да, ой, кирликди.
Ол кюн болсун шатегентни 
Кёрюр сора къыйыны, ой-ой-ой.
Ала келе келип а 
Ол шатегентге жетдиле,
Ой, алай да, ой, жетдиле.
Орлукълагъа атларын ийип 
Ой алай тохталла, ой-ой-ой.
Тохтасала да 
Бу келечиле ийдиле
Ой, алай да, ой, ийдиле.
Сары жасакъ берсегиз теркирек
Ой алай кетербиз делле, ой-ой-ой.
Бюгече уа мында къалсанг 
Жаным Асланбек,
Ой, алай да, ой, Асланбек.
Къонакълыкъгъа чунгур чорчха 
Ой алай соярбыз, ой-ой-ой.
Къайтукъ улу уа 
Таугъа сора киргенди,
Ой, алай да, ой, киргенди.
Тюшге деричин кеси эркинине
Ой алай къоярбыз, ой-ой-ой.
Къайтукъ улун а 
Ма сары айыулай соярбыз,
Ой, алай да, ой, соярбыз.
Кёк да кюбесин а къоргъашиннге 
Ой алай боярбыз, ой-ой-ой.