Bozordan saqich olib,
Chaynab kelar Lalixon.
Chiroyi yal-yal yonib,
Yayrab kelar Lalixon.

Sollanib o'nga boqib,
Nozlanib so'lga boqib.
Ko'z qirida oshig'in,
Tanlab kelar Lalixon.
Bozordan saqich olib,
Chaynab kelar Lalixon.
Chiroyi yal-yal yonib,
Yayrab kelar Lalixon.

Yuzta qizning ichidan,
Ajrab turar vo ajab.
Parda ichidan husni ,
Yashnab turar vo ajab.
Belbog'imda bodom bor,
Chaqib beray kelsa yor.
Nozi kelar o'zi yo'q,
Kokillari mayda yor.
Bozordan saqich olib,
Chaynab kelar Lalixon.
Chiroyi yal-yal yonib,
Yayrab kelar Lalixon.

Man yoring bo'lay desam,
Ko'nmaydiya ne qilay.
Boshqani sevay desam,
Bo'lmaydiya ne qilay.
Bog'ining bog'boni bor,
Qaddining qurboni bor.
Lalixonning mendayin,
Zori bor, bedori bor.
Bozordan saqich olib,
Chaynab kelar Lalixon.
Chiroyi yal-yal yonib,
Yayrab kelar Lalixon.