Нешта дрэнна мне зусім
Дзесьці ўсе ды я адзін
Сам сябе ў труну ганю

Сьвет шурпаты за вакном
Некаму сапсуе сон
Бавіць час насустрач дню

Мітусьня з усіх бакоў
Непрыемна стыне кроў
Трэба неяк выбіраць

Час ад часу, дзень за днём
Па каханьню ботам б’ём
Усё парушыць, усё зламаць…

Сонейка ярчэй, вышэй
Прыпякае гарачэй
Мы не разам, не, на жаль

Сам на сам турботы жах
Крок, а па-расейскі «шаг»
Мне застаўся — ўцякай

Як мага далей у бруд
Спадзяюся ўсё на цуд
Гоніць хмары над зямлёй

Лёс як лёс, і боль як боль
Непазбыўнае дазволь
Крочыць сьледам за табой