Па састылай зямлі
Раскіданыя Сымбалі
Яны зьзяюць
Але гэтага зьзяньня
Ніхто ня бачыць
Ніхто, акрамя дрэваў
І дрэвы
У глыбокай самоце
Апяюць зьзяньне Сымбаляў
Але гэтых сьпеваў
Ніхто не пачуе
Ніхто, акрамя ветру
І выявы Сымбаляў
Зьзяючых Сымбаляў
Адлюструюцца на небасхіле
Але адлюстраваньня
Ніхто не заўважыць
Ніхто, акрамя азёраў
Халодных
Цёмных, мёртвых азёраў
Якія памятаюць
Далёкія тыя часы
Калі зямля была яшчэ цёплай
І Сымбалі маглі несьці Жыцьцё