Син мине белмисең, 
Берни дә сизмисең,
Күрмисең йөрәктә ни барын.
Ишетеп йөрәгем,
Миңа син кирәген,
Тоярсың башкага юл тарын.

Әйтергә ашкынып,
Йөрәгем ташкынын,
Күңелдә җыелды сүзләрем.
Хисләрем аңласаң,
Бер назлап карасаң,
Барысын аңлатыр күзләрем.

Күзләр дә сөйлиләр,
Ялганны сөймиләр,
Аңлыйлар януны-көюне.
Күз сал син күземә,
Ул сөйләр үзеңә,
Телләрем әйтәлмәс сөюне.