Мазн Баатр

Алдр орс Петр хаанла
Әмән негдүләд нөкд болад,
Әрәсән нутгиг эврәһән гиһәд,
Әвртә кевәр Мазн цергллә.

Давтвр:

Мазн Баатр, Мазн Баатр,
Маңһс чидлтә мана Баатр.
Улан залата Хальмгин үрн,
Угта, зөргтә Эрктнә Баатр.

Кавказ, Кубань, Крымд күрәд,
Күчр чидлтә хортиг дарад,
Алдр нутг Әрәсән төлә
Аврлт угаһар Мазн ноолдла

Давтвр:

Олн келн - улста Әрәсә
Омгта, зөргтә көвүдән тодлна.
Теднә нердин хамгин түрүнд
Таңһчин элч Мазныг заана.

Давтвр: